Cuarta lezion

I verbs regolars - Les coniugazions: l indicatif prejent, fonetica: -U- > -ou-

• Introduzion
• 1. I verbs regolars - Les coniugazions: l indicatif prejent
• 2. Fonetica: -U- > -ou-

Introduzion

1. I verbs regolars - Les coniugazions: l indicatif prejent

Chi da la miseria se imagineia che na vita desche chela dl re sie bela y patesc al pensier che l re rata che avei la stenta sie dret per i pueresc.

L ladin standard à, aldò dles desinenzes dl infinitif, 4 coniugazions de verbs regolars:

I -é (cianté)

II -ei (vedei)

III '-e (perde)

IV -ì (dormì)

· La seconda y la terza coniugazion se desferenzieia demé tl infinitif y en pert tl partizip, dutes les autres formes é unfat per tramesdoes les coniugazions.

· La pruma y la cuarta coniugazion à n sotgrup de verbs con infis (Ib: -ei-, ie abiteie; IVb -esc-, ie capesce). Chest infis uniformeia l azent sun la desinenza dl verb. Al é per chel limité a la 1., 2. y 3. persona dl singolar y 3. dl plural dl prejent indicatif y congiuntif y al imperatif singolar. Dutes les autres formes é unfat de cheles dles coniugazions Ia y IVa y ne vegn per chel nia desferenziedes. Tles coniugazions Ib y IVb toma ite la maioura pert di neologisms.

Desinenzes dl indicatif prejent:

I. -é II. -ei III. -e IV. -ì

Ia	Ib	II = III	IVa	IVb
-e -es -a -on -eis -a	-eie -eies -eia -on -eis -eia	-e -es --- -on -eis ---	-e -es --- -ion -ieis ---	-esce -esces -esc -ion -ieis -esc

Met averda!

· Les formes dl singolar y dla 3. persona dl plural é azentedes sun la raisc (con la ezezion dles coniugazions Ib y IVb, che é dutes azentedes sun la desinenza), cheles dla 1. y 2. persona dl plural sun la desinenza.

Indicatif prejent - posizion normala

	-é	-é	-ei	'-e	-ì	-ì
	Ia	Ib	II	III	IVa	IVb
1	ciante	informeie	veide	perde	dorme	capesce
2	ciantes	informeies	veides	perdes	dormes	capesces
3	cianta	informeia	veid	perd	dorm	capesc
1	cianton	informon	vedon	perdon	dormion	capion
2	cianteis	informeis	vedeis	perdeis	dormieis	capieis
3	cianta	informeia	veid	perd	dorm	capesc

Indicatif prejent - inverscion

1	cianti	informeii	veidi	perdi	dormi	capesci
2	cianteste	informeieste	veideste	perdeste	dormeste	capesceste
3	ciàntel ciàntela	informéiel informéiela	veidel veidela	pérdel pérdela	dòrmel dòrmela	capéscel capéscela
1	ciantonse	informonse	vedonse	perdonse	dormionse	capionse
2	cianteise	informeise	vedeise	perdeise	dormieise	capieise
3	ciàntei ciànteles	informéiei informéieles	veidei veideles	pérdei pérdeles	dòrmei dòrmeles	capéscei capésceles
	ciànten	informéien	veiden	pérden	dòrmen	capéscen

Met averda!

La 3. persona di verbs dla II y dla III coniugazion mantegn l consonant sonant dl infinitif ence junsom a la parola (se gode: al se god; zede: al zed; erde: l fuech erd).

Cfr ence GLS pl. 27.

Indicatif prejent di verbs reflessifs

Posizion normala	Inverscion
Ie me desmentie	me desmentii
Tu te desmenties	te desmentieste
el / ela se desmentia	se desméntiel / desméntiela
nos nes / (se) desmention	nes / se desmentionse
vos ves / (se) desmentieis	ves / se desmentieise
ei / eles se desmentia	se desméntiei / se desméntieles
an se desmentia	se desméntien

endò al indesc dla lezion

Eserzize (4.1) - Metede tl prejent i verbs anter cramples y scrivede laprò l pronom personal can che al é debujegn.

La volp y l corf

La volp (avei) ______ endò n iade fam. Te chela (vedei) _________ n corf sun n aidin che se (tegnì) ______ n toch de ciajuel tl bech. «Chel me savessa ______ bon», se (pensé) __________, y ti (scraié) ______ al corf: «Tant bel che (ester) ______! Sce ti cianté (ester) ______ tant bel co che (cialé fora) ______________ spo (ester) ______ l plu bel de duc i uciei.»

Eserzize (4.2) - Metede tl prejent i verbs anter cramples y scrivede laprò l pronom personal can che al é debujegn.

Na vijita de na delegazion dla scola ladina en Sardegna - n program rich y interessant

L prum di tla Sardegna (ester) _______ na gran festa.

I autri doi dis ti (vegnì) ___________ dedichés a la scola.

Per i studenc de Urtijei, Fascia y Cortina, che (studié) __________ tles sezions dl ziplé y dla tislaria, (vegnì) ___________ organisé l'elaborazion de n projet.

Les mutans dla sezion tessila da Cortina va endere a Samugheo, n pice paisc te mez a la Sardegna, olà che al é vegnù davert na scola d'ert con l scomenciament de chest ann de scola.

La jent dl post (ester) ________ scempla, daverta a la comunicazion, pleina de valours de vita y de umanité. L pice paisc é emportant per l laour da tescere, vigni familia (avei) ______ te ciasa n telé y duc (ester bon) ____________ da tiesce.

Tl museum dl stof y dl drap (vegnì) _______ la scola d'Ampez saludeda con gran amizizia dal ombolt dl paisc Graziano Salis y dal dirighent dla scola d'ert d'Oristano, che la (prejenté) __________ al paisc con creta y entusiasm.

L secont paisc che les mutans da Cortina (vijité) ___________deberiada con i compagns dla Sardegna é Busachi, n luech scialdi tipich. Les eles de na certa eté (se vestì) ___________ ence da vignidì l costum tradizional dl post, rich de colours y decorazions. Te na gliejia desconsacreda che à inom «Conventu», (giaté lerch) _____________ l museum dl vestiment tradizional y dla laorazion dl lin.

L program dret rich, va inant con na bela jita a Tharros y a duta l'area archeologica. Tharros é na vedla zité fenicia y cie che an (vedei) __________ aldidancuei é la zité romana dl'eté dl imper. Les colones dl templ blances che à via dedò l mer brum y chiet, la penijola dl Sinis che (dessegné) ___________ con gran armonia l lim anter ciel, ega y tera con la tor de San Jan, (ester) ____ n gran cheder depent da la natura. Tl sit nuragich de Santa Cristina (spaziré) _____________ anter murs, peres, costruzions sot tera y i gragn legns d'olif che fej ombria. L'ultim di de sojornanza ti (vegnì) ___________ dediché a la vijita de Cagliari y dl museum archeologich dla zité.

Da nos tles Dolomites (ester) ___________ ciamò invern, mo a n'ora de jol da ciasa (ester) _________ bele aisciuda, la natura (se descedé) ___________ fora liegra y da colours. Duc s'aodon che ala (porté) _________ fruc tla colaborazion artistica y tles amizizies.

La Sartiglia

Studenc y professours à abù la fortuna de podei tó pert a la manifestazion plu conesciuda de origin medievala, che (vegnì) ________ ciamò tegnuda te n raion mediteran. Chesc palio (avei) ____ inom «La Sartiglia» y (vegnì) ________ organisé la Domenia Grassa dai paurs y l ultim di de Carnescè dai tisleri. Les does giostres (ester) ___ trames does unfat.

Entourn mesdì (mete man) _____________ la «vestizione», n rit dret solen y lonch; chesta zerimonia é plena de simbologies. Les «massaieddas», n grup de joenes regoledes con l costum tradizional, (vestì su) ___________ l prum ciavalier y vegn avisedes dai conseis de «la massaia», femena dl president dl grup di tisleri. L ciavalier vegn vestì su per la gara di ciavai, al mess stè sentè sun n scagn posizioné aut sun na meisa y ne pò nia aziché via per tera enchin a la fin dla manifestazion. A la fin de chest ritual (sauté) ___________ l «camponidori» (enscì ti dìjen al prum ciavalier) sun l ciaval y vegn dapò saludé con festa dal bate dles mans de chi che (cialé pro) _____________. Con n smaz de violes y de mamoles ti dàl dapò la benediscion al truep publich prejent.

Istruzions per fé i eserzizes:
scrive l test, les traduzions o les respostes a les domandes al professour tres e-mail: curs-ls@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla lezion

Fonetica: Cl-, Gl-, -dl-

La storia met man dant da cincent agn tla court de n re.

... compagns dl re y compagns fauc, eles, de beles y de pericolouses, y vin y entourn l palaz via jent che ne savova da fé nia auter che da paié dut chest.

Per ladin se muda la U curta y la O longia latines (ó dl latin volgar) te -ou- te chisc caji:

1. Tla ultima (o unica) silba dla parola ladina. Te chesta tipologia tómel ence i agetifs che per talian à la desinenza -oso.	N louf golous y soul	WL pl. 38, 39, 41
2. Dant da -R te dutes les posizions	L sartour sourt al laour L amour per l valour dl dotour La saour dla tourta te fourn	WL, pl. 40 b), d), 41

LS	Fascian	Gherdeina	Badiot	Fodom	Ampez
1.
Louf	Louf	Lëuf	Lu	Louf	Loo
Golous	Golous	Gulëus	Golus	Golous	Goros
Soul	Soul	Sëul	Su	Soul	Sol
2
Sartour	Sartor	sartëur	Sartù	Sartou	sartuó
Sourt	Sort	Sëurt	Surt	Sourt	sordo
Laour	Laor	Lëur	Laûr	Laour	laoro
Amour	Amor	Amor	Amur	Amour	Amor
Valour	Valor	Valor	Valur	Valour	Valor
Dotour	Dotor	Dutor	Dotur	Dotor	Dotor
Saour	Saor	Sëur	Saù	Sou	Saó
Tourta	Torta	Tëurta	Turta	Tourta	Torta
Fourn	Forn	Fëur	Fur	Fourn	Forno

Emplù él da recordé ence che:

1a.: la desinenza -un dl badiot che deventa -on tl standard:

LS: Na azion da bon campion BAD: na aziun da bun campiun

1b.: la combinazion -ëu- dant -r- tla penultima silba dl gherdeina deventa -o- tl standard

LS: Adora laora l mone GHE: Adëura lëura l mëune

2. l -u- nia tonich dl gherdeina deventa generalmenter -o- tl standard:

LS: Sté a soredl pro fontana con l muliné GHE: Sté a surëdl pro funtana cun l muliné

endò al indesc dla lezion

Eserzize (4.3) - Preibel scrivede pro les paroles che vegn dant chilò dessot de ciun idiom che ales é y fajede la traduzion tl ladin standard.

	Idiom	LS
Ativaziun
biliun
blocada
bolëta
centenà
cëura
ciaciadëur
ćiamp
ćiantadù
congiunziun
cu
crousc
dessora
dëuc
nsous
ezeziun
fourcia
furiós
jurnalist
laûr
massëur
nusc
pastelnadù
pelous
promoziun
valor
venidëur
vergognus
vijitador
zesciun
zumpradëur

Istruzions per fé i eserzizes:
scrive l test, les traduzions o les respostes a les domandes al professour tres e-mail: curs-ls@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla lezion

Duc i derc resservés - Union Generala di Ladins dles Dolomites y Noeles.net - (c) 2003