Seconda lezion

L grup nominal mascolin
l articul y les preposizions - la formazion dl plural (I pert) - la concordanza tl grup nominal (masc. y fem.)

• Introduzion
• 1. L articul
• 2. Les preposizions articoledes
• 3. Sostantifs y agetifs mascolins: l plural
• 4. La concordanza dl grup nominal (mascolin y feminin)
• Introduzion - fonetica
• Grafia 2: I azenc y l apostrof

Introduzion
l articul y les preposizions - la formazion dl plural (I pert) - la concordanza tl grup nominal (masc. y fem.)

Al volova propi ester l sant da Oies a prové de mete endò a una les comunités ladines dl Sela sot a n soul denominatour.
Ence i credenc de Fodom Col y Ampez sent l aveniment.

	determinatif	indeterminatif	ejempli
sg.m.	l	n	l fre, l paisc, l ospedal, l uedl n pre, n berba, n ucel, n agut
pl.m.	i		i fredesc, i libri, i auti, i afars

• L plural dl articul indeterminatif mancia. Na sort de plural pòn formé con agetifs cuantificatifs p.ej. deplù ciases, n valgugn sasc ...
• Sce n sostantif singolar sie mascolin che feminin vegn prezedù da n agetif, ma nia da n articul, dapò él da mete n de partitif, p.ej.: Ie mange de bon pan fresch; Ie beive de bona ega frescia.
  L medem vel per grups sie mascolins che feminins con agetif (o numeral) + sostantif tl plural sce chisc designeia entités che pò vegnì cumpededes, p.ej.

Ie é vedù de beles gliejies, n valgunes de beles gliejies, trei de beles gliejies, d'autres gliejies.

ma

Ela à cumpedé scioldi. Ie é vedù ciases vedles.

2. Les preposizions articoledes

La Ladinia endò adum tl inom de pater Frenademetz

Na organizazion se à metù en moviment decà y delà dai joufs.

L articul determinatif mascolin pò se lié con n valgunes preposizions te na preposizion articoleda.

		m.sg	m.pl.	Ejempli
a	+ art.	al	ai	Ti scinché n pom al mut; ti lascé zeche ai fredesc
da		dal	dai	Jì dal moler y dai muradours
de		dl	di	Savei l inom dl liber y di autours
sa		sal	sai	Jì sal mede
ta		tal	tai	Fé na spazireda tai molins
te		tl	Ti	Scrive tl diare y ti sfueis

Les autres preposizions ne vegn nia scrites liedes a n articul

		m.sg	m.pl.	Ejempli
con		con l	con i	Jì con l pere y con i mutons al mer
per		per l	per i	Fé da marena per l
sun		sun l	sun i	Laoré sun l cuert y sun i barcons.

La preposizion y l articul indeterminatif ne vegn mai tachés adum, p.ej. ti dé graniei a n ucel.

Eserzize (2.1) - Emplenide i vuec con articui y preposizions che passeneia.

… di 1. de jené 2002 restarà per giut … plu storich per … unité europeica.
Al é sté … di popolar, y … festa popolara y nazionala.
Codes de possessours de … cherta de credit à aspeté ert dant da … bancomat bele dant … ultima mesanuet dl ann vedl.
Lonc y lerch te Eurolandia à jent lascé fora euforia per … zetoles dl Euro.
… some de … moneida unitara europeica é nasciù bele dant passa cincanta agn, do … seconda vera mondiala.
Da enlaouta é ence … pruma colaborazion economica anter stac … Europa per … comerz internazional de ciarbon y acel.
Dodesc nazions con laprò … Talia, … Austria, … Francia, … Germania é capazes dla moneida unitara.
… trei nazions comembres dla UE, Inghiltera, Svezia y Danimarca vegnirà bonamenter pro … agn che vegn.
Nia tant atira do ne vegnirà … Svizera, che ne é nia pro … Union Europeica. Ence … Prinzipat de Lichtenstein, lié monetariamenter a … Svizera, azetarà … Euro demé sciche valuta foresta, ma nia de ciasa.
… Euro sarà con 300 milions de zitadins dovia … moneida plu sterscia do … dolar american. Con … dolars pòn bele paié soura dut … mond, o dit miec: endlonch olà che an l conesc.
Fina a … fin de fauré podaràn paié te … Talia con does valutes: … vedla - … Lira, y … nueva - … Euro.
… banches spera endere che … moment … gran laour de baraté ite … valutes vedles con Euro zede tost, tant gran él bele … prum moment incà.
La popolazion podarà ence dé ca … moneides … valutes vedles che jirà en pension con … Euro per fin de ben: a organisazions per … sozial y … scientifich.

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

ndò al indesc dla seconda lezion

3. Sostantifs y agetifs mascolins: l plural

L plural di sostantifs y di agetifs mascolins mostra na casistica scialdi rica tl ladin. An cumpeida deplù tipologies de plural; aldò dla desinenza dla parola tl singolar pò l plural ester:

• con -s o "sigmatich" - ram, rams; peir, peirs
• con -i - cajo, caji
• con mudazion/palatalisazion dl consonant final - sant, sanc; fos, fosc
• invarié - brac, brac; polesc - polesc

Emplù pò n grup de sostantifs avei deplù formes de plural, p.ej. una per paroles vedles y una per empresc' y neologisms.

Les regoles de basa vel e general per les paroles arpedes y i empresc' plu o manco assimilés.

Cialonseti sen a n prum grup de inoms con formes plurales bendebot regolares.

Ence i credenc de Fodom Col y Ampez sent l peis de chest aveniment.

Singolar	Plural	Ejempli
-s	-sc	peis - peisc, os - osc enteres - enteresc, golous - golousc
-t	-c	ombolt - ombolc, tet - tec mat - mac, freit - freic Ezezions: dent - dents, mut - mutons
-st	-sc' *	cest - cesc', artist - artisc' Ezezion: chest - chisc
-z	-c	fonz - fonc, piz - pic, paz - pac, fauz - fauc
Invariés
-sc	-sc	paisc - paisc, grisc - grisc
-c	-c	lac - lac, nevic - nevic verc - verc, douc - douc

L grup <¬?> pò vegnì scrit ence <s-c> (des-ciarié, os-c) o <sc> tla parola (desciarié) y <sc'> (osc') a la fin dla parola. Te chest curs vegn preferì chesta ultima soluzion ajache ala ne dà degun problem tl trasferiment di dac.

Cfr. ence GLS pl. 26 / 27 y WL pl. 18 - 21.

Eserzize (2-2) - Metede tl plural i inoms y i agetifs che vegn do y fajede l feminin dles paroles che pò avei doi jendri.

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla seconda lezion

4. La concordanza dl grup nominal (mascolin y feminin)

I determinanc y i agetifs vegn concordés con l sostantif a chel che ai se referesc.

determinant	agetif	sostantif
i les	biei beles	pres ciases
miei mies	valenc valentes	jermans nezes
chi cheles	burc burtes	stritoc discuscions

determinant	sostantif	agetif
doi does	peirs ciastegnes	madurs mates
i les	poms ciauzes	verc blances
chi cheles	mutons mutans	valenc valentes

determinant	sostantif	verb	predicatif	agetif
miei mies	fis fies	é deventés é deventedes		gragn granes
chisc chestes	ciauzei ciauzes	é é	duc dutes	roc smarides

determinant	sostantif	agetif con funzion averbiala	agetif
i les	paisc valedes	biei beles	fornis florides
i les	ciavei mans	duc dutes	moi grovies

Met averda!

· I agetifs gran y tel é invariabli sce ai é dant l sostantif:

na gran fortuna ma na fortuna dret grana
de gran zités ma zités granes y enteressantes
n gran mut ma n mut feter gran
de gran mutons ma mutons gragn y gaierc
na tel zité ma na tela
de tel zités ma de teles
n tel paisc ma n tel
de tel raions ma de tei

Eserzize (2-3) - Met tl plural les formes anter cramples.

Comun de Bulsan - Consulta per i problems ladins

I seis duc dret bel enviés a (la conferenza) ____________

Cie davegní à pa la Previdenza?

(Laorant) ____________ y pensionés a confront con (la reforma) ____________ dl Statut Sozial. (L avocat) ____________ é (n gran espert) ____________ ____________ (dla normativa) ________________ che reverda (la tematica) ____________ di (contribut) previdenziai ____________ per (l laorant) ____________: (pension) ____________, pension de reversibelté, (cuntribut) ____________ paiés te (n paisc forest) ____________ ____________ y (pension paieda) ____________ ____________ tla Talia, (pension) ____________ per (ciasalina) ____________, (pension integrativa) ____________ ____________ . Al responará ence a (duta la domanda fata) ____________ ____________ ____________ dal publich.
Al sará dessegur (n argoment enteressant) ____________ ____________ y che tert o bonora reverda (dut) ____________. Per chel cialede de vegní de (truep) ____________ y toledeves do ence amisc o (conescent) ____________.

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

ndò al indesc dla seconda lezion

Introduzion - fonetica

La situazion fonetica dl ladin dolomitich ne é nia frut dl cajo ma l resultat de n lonch prozes evolutif, determiné da leges prezises de cheles che chi che rejona perloplù ne se enten nia. Chestes leges, che an ti dij leges fonetiches, é en pert condizionedes localmenter ajache ales muda da raion a raion y pò donca mené a resultac che va undalauter ence te idioms scialdi vejins y emparentés. Da chestes forzes, sovenz ence contrastantes, végnel fora na rei carateristica de regoles relativamenter stares. Al é donca poscibel de ordené y de loghé ite la molteplizité de fenomens fonetics che do na pruma odleda per engatiés.
Te nost cajo sarà chest laour plu saurì sce an prova a jì zeruch al latin sciche raisc comuna de duc i idioms conscidrés ti jan do al svilup di singui fonems tles desvalives valedes dla Ladinia pian demez da chesta basa. A chesta vida saràl ence poscibel abiné vigni iade l maiour denominatour comun dles variantes ladines dolomitiches y de laoré fora l model general che se ascon dovia les desferentes formes di idioms.

(Traduzion da la WL pl. 27)

Fonetica 1

Per ladin se muda la A tonica dl latin classich (à latina volgara) te -e- te chisc caji:

1. tla ultima (o unica) silba dla parola ladina.	La pesc de n tel mesc Adaté a la cualité y no a la cuantité Tré l telé de fauré	WL pl. 47, 49, 52, 53
2. ti sufisc latins -ATA, ladin -ada / -eda (meneda, soneda, cianteda) -ARIA, ladin -ara / -era / -ea	La streda de valeda é scurteda La scolera y la molinera	WL pl. 49, 52, 53
3. dant da: R + consonant consonant + R che fova tl latin	Con l pere y l berba a segra	WL pl. 49, 50, 52, 53

LS	fascian	gherdeina	badiot	fodom	ampez
1.
Pesc	pèsc / pasc	pesc	pêsc	pesc	masc
Tel	tèl / tal	tel	tel / tal	tel	tal
Mesc	mèsc / masc	mesc	mêsc	mesc	pasc
Adaté	adatà	adatà	adaté	adaté	adatà
Cualité	calità	cualità	cualité	cualité	cualità
Cuantité	cantità	cuantità	cuantité	cuantité	cuantità
Tré	trèr	tré	trà	trè	tirà
Telé	telé	telé	tarà	telè	teréi
Fauré	firé	fauré	forà	faurè	febraro
2.
Streda	strèda / strada	streda	strada	strada	strada
Valeda	valèda / valada	valeda	valada	valada	scurtada
Scurteda	scurtèda / scurtada	scurteda	scurtada	scurtada	scurtada
Molinera	molinea	mulinea	mor(i)nà	mulinè	morinara
Scolera	scolea	sculea	scolara	mulinera	scolara
3.
Berba	bèrba / barba	berba	berba	berba	barba
Pere	père / pare	pere	pere	pere	pare
Segra	sègra / sagra	segra	segra	siegra	sagra

Per ladin resta la A tonica latina classica (à latina volgara) -a- te chisc caji:

1. penultima silba dla parola ladina	Ciala la ciaria dla ciasa Te tana él na fontana sana	WL pl. 47, 52, 53
2. tla posizion finala primara (latina); (chesta situazion reverda pueces paroles)	Da ca valch	WL pl. 48, 52, 53
3. dant da n consonant nasal (n, m)	L cian san sun l stram	WL pl. 48, 52, 53
4. tl sufis -al (lat. -ALIS)	L animal é mortal	WL pl. 52
5. dant da -l- + consonant	L'alba é valch da bel	WL pl. 50, 52
6. dant da -st-	La lasta y l paster	WL pl. 50, 52

LS	Fascian	Gherdeina	Badiot	Fodom	Ampez
1.
Ciala	Vèrda	Cëla	Ciaria	Ciala	Varda
Ciaria	Cèria	Cëria	Ciaria	Ciaria	Ciaria
Ciasa	Cèsa	Cësa	Ciasa	Cèsa	Ciasa
Tana	Tèna / Tana	Tana	Tana	Tana	Tana
Fontana	Fontèna / Fontana	Funtana	Fontana	Fontana	Fontana
Sana	Sèna / Sana	Sana	Sana	Sana	Sana
2.
Da	Da	Da	Da	Da	Da
Ca	Ca	Ca	Ca	Ca	Ca
3.
Cian	Cian	Cian	Cian	Cian	Cian
San	San	San	San	San	San
Stram	Stram	stram	stran	Stram	Strame
4.
Animal	Animèl / animal	Animel	Animal	Animal	Animal
Mortal	Mortèl / mortal	Murtel	Mortal	Mortal	Mortal
5.
Alba	Èlba / alba	Elba	Alba	Elba	Alba
Valch	Vèlch / valch	Velch	Valch	velch	Algo
6.
Paster	Pèster / paster	Paster	(Paster)	Paster	Lasta
Lasta	Lèsta / lasta	Lasta	Lasta	Lasta	Pastro

Met averda! Cheste paroles - bochel, fossel, messel, fossel, dedel - mantegn la desinenza -el.

Eserzize (2-4) - Preibel scrivede pro les paroles che vegn dant chilò dessot de ciun idiom che eles é y fajede l'adatament tl ladin standard.

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla seconda lezion

Grafia 2: I azenc y l apostrof

Sciche i on bele dit é la grafia dl ladin standard scialdi plu scempla che chela di idioms; chest vel ence o dantaladut per cie che reverda i azenc.

I azenc

Tla grafia dl ladin standard ne à l azent degun valour fonetich, al indicheia demé la silba tonica, chela olà che la parola vegn azenteda.

Per chesta rejon pòn adoré sibe l azent sclut che chel davert: l emportant é demé che l'adoranza pro vigni parola sie unitara tl medem test. Per chel végnel scrit: lapró, ciamó, pó, adoré, verité, sauté ... o: laprò, ciamò, pò, adorè, veritè, sautè ... ma la pronunzia resta ledia, y an pò pronunzié desche an é usés te si idiom.

I grafems vocalics <a>, <i>, <u> <o> vegn te chesta gramatica scric con l azent davert à, ì, ù ò ma an pò ence adoré caratri con l azent sclut, sce chesta realisazion é plu saurida (á, í, ó, ú).

Olà méten pa l azent?

An met l azent:

a) sun les paroles ossitones (= con la ultima silba azenteda) de deplù silbes che se ruva con n vocal tonich:

-a	-é	-ì	-ò	-ù
el arà el dormirà ei menarà eles savarà	malé fauré sauté comedé	dormì saurì bolì davegnì	destò dapò ciamò empò	joentù entenù lassù menù

b) pro l infinitif dl verb y l partizip passé mascolin singolar (y plural per la I coniugazion, cfr. f) méten l azent ence sce chest à demé una na silba, p.ej.: fé, sté, dì, jì, rì.

c) sun la 1. y 3. persona dl singolar y sun la 3. persona dl plural di verbs dé, savei y avei y sun la 3. persona di verbs avei, ester y podei:

	dé	savei	avei	ester	podei
ie el/ela/ei/eles/an	dé dà	sé sà	é à	[son] é	[posse] pò

d) sun les formes dla 3. persona singolara y plurala di verbs tla inverscion, ence sce ales ne porta nia l azent grafich, ajache ales à demé una na silba, cfr. al ri, al va, al sta, p.ej.:

al va - vàl al sta - stàl
ela dij - dìjela ei cianta - ciàntei
al mangia - màngel eles porta - pòrteles

Met averda!

Pro les formes verbales che se ruva con n vocal tonich y é compagnedes da n pronom enclitich làscen l azent dla forma de basa. Chesta regola é emportanta dantaldut tla inverscion y per l futur, p.ej.: ala vegnirà - vegniràla ie sautaré - sautaréi

ei dormirà - dormirài eles jirà - jiràles

e) pro paroles con la desinenza -és tonica.

Al é l cajo dl plural dles paroles che se ruva con -é tonich, p.ej.

cugné - cugnés, moliné - molinés
aboné - abonés, tablé - tablés
zité - zités, verité - verités
cuantité - cuantités, dificolté - dificoltés

y dl partizip passé mascolin di verbs dla I coniugazion, p.ej.:

porté - portés, deslié - desliés
destiné - destinés, cianté - ciantés

La forma plurala di autri partizips ne à endere degun azent, p.ej.:

metù - metus, chersciù - cherscius
florì - floris, spedì - spedis

L azent grafich é consié can che al pò ester de aiut per na dreta pronunzia dla parola o per daidé desferenzié omonims.

Cfr. WL pl. 17.

L apostrof

L ladin standard é n lingaz pensé dantaldut per la scritura; per rejons de trasparenza végnel consié de adoré manco apostrofs che al é meso, de preferì plutost les paroles plenes y de scrive fora la forma entiera, p.ej.:

cinch menuc empede cin'menuc,
valch ciases empede val'ciases,
El me auda. empede El m'auda.
Ie ne é fat nia. empede Ie n'é fat nia.
Ie creie che ela sie a ciasa. empede Ie creie ch'ela sie a ciasa.

L'elijion vegn endere consieda pro l articul determinatif y indeterminatif feminin sce la parola che vegn do met man con n vocal, p.ej.: l'aucia, l'edema, l'abondanza; n'abitanta, n'edema, n'ora

Ma an pò empò lieje chestes paroles desche an é usés.

Cfr. WL pl. 25.

endò al indesc dla seconda lezion

Ezerzize (2-5) Metede adum frases adoran les paroles dedes sotite.

L piz da la bona luna

Da les paroles dedes nen végnel fora d'autres baratan l orden dles letres.
Abinedeles fora y emparedeles adament.

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla seconda lezion

Duc i derc resservés - Union Generala di Ladins dles Dolomites y Noeles.net - (c) 2003