Terza lezion

L pronom soget: i verbs ausiliars: l indicatif prejent de ester, avei y vegnì:

• Introduzion
• L pronom soget<
• I verbs ausiliars: ester, avei y vegnì
• Fonetica: Cl-, Gl-, -dl-

Introduzion
L pronom soget, i verbs ausiliars: l indicatif prejent de ester, avei y vegnì:

L pronom soget

Tl ladin méssen mete l pronom personal - tonich o nia tonich - te vigni persona y modus fora che tl imperatif. Chest vuel dì che ence can che la pruma o la seconda persona é soget te na frasa végnel metù l pronom.

Ejempli:

endò al indesc dla terza lezion

3.1) - Eserzize. Mudede l soget de vigni pensier con n pronom nia tonich.

Nos vivon te Fascia da trei agn -----------------------------------

I libri é sun meisa te stua -----------------------------------

Mary y Liz é jomelines -----------------------------------

Tu y tie fre seis maestri de schi -----------------------------------

Ie ne son nia bona de cianté -----------------------------------

Nost paisc é scialdi da soredl -----------------------------------

Jan sona sibe l flaut che la vidola -----------------------------------

Nos duc son stés sun mont enier -----------------------------------

endò al indesc dla terza lezion

I verbs ausiliars: ester, avei y vegnì

Les does statues de bron da jí ite é dl artist gherdeina Guido Anton Muss.

Mittelberg, enscì à inom l dos che despartesc l Unterland dal Überetsch.

Indicatif prejent

ESTER		AVEI		VEGNÌ
Posizion normala	Inverscion	Posizion normala	Inverscion	Posizion normala	Inverscion
ie son	sonsi	ie é	éi	ie vegne	vegni
tu ies	ieste	tu as	aste	tu vegnes	vegneste
el é ela é	él éla	el à ela à	àl àla	el vegn ela vegn	végnel végnela
nos son	sonse	nos on	onse	nos vegnon	vegnonse
vos seis	seise	vos eis	eise	vos vegneis	vegneise
ei é eles é	ései éles	ei à eles à	ài àles	ei vegn eles vegn	végnei végneles
an é	ésen	an à	àn	an vegn	végnen

Les tabeles reporta la forma `normala' y ence chela dla inverscion, forma che duc i idioms ladins conesc sciche fenomen linguistich.

La forma invertida vegn adoreda tla domanda (El vegn da les 4. Can végnel pa?) y can che n pensier met man con na parola che ne é nia l soget per ti garantì al verb la seconda posizion tla frasa (El vegn dagnora tert a ciasa ma dagnora tert végnel a ciasa).

Chesta seconda situazion, tipica dl ladin dla Val Badia y de Gherdeina, é vegnuda touta su ence tl ls. Indicazions plu menudes per la adoranza de chesta tipologia vegnirà dedes plu inant rejonan de sintassa.

Cialede ence GLS pls 61- 62 y 101 - 103.

Ciamò n vangugn ejempli de inverscion te contesc' desferenc.

1.	2. Verb - Soget	3. Rest dla frasa
Con la forza de 5 toneledes de dinamit	él vegnú sclopeté ciarà	l porfir ros-cuecen dl "Mittelberg".
Enscì ti	án fat lerch	a n ciulé de botes y a n ciulé de angostares (bozes) te chi che al é na temperatura naturala costanta.

La inverscion vegn samben fata ence sce l soget ne é nia n pronom ma n inom o n auter element dl descurs.

1.	2. Verb	3. Soget	3. Rest dla frasa
Da dagnora	é	les comunités de Fodom, Col y Ampez	dret liedes a la gliejia de Oies.
En sabeda	à	la grupa Aiut Alpin Dolomites	metù a jì na festa a Puntives
Chilò fora	él	la valeda	plutost strenta

endò al indesc dla seconda lezion

3.2) - Eserzize. Les frases che vegn do é da rescrive adoran sciche scomenciament les paroles dedes na pert via.

Aiut Alpin Dolomites : ti agn che vegn ence intervenc de nuet

Al vegnirà enaudé l zenter opertif nuef a Pontives. D'aisciuda

________________________________________________

L elisocours ladin à sia senta operativa a Pontives. Sen

________________________________________________

L hangar y les strutures per les trupes de socours é sotite y Sotite

________________________________________________

na plataforma, olà che al pò arsì l joler é sun tet. sun tet

________________________________________________

Al é ence n cuartier per l dotour. Ence n cuartier

________________________________________________

Les operazions de jol de nuet é per entant conzedudes demé con jolers abilités. Conzedudes

________________________________________________

Les normes é manco strentes. Ti autri stac dl'UE

________________________________________________

An à la poscibelté de fé ence intervenc de nuet. Enscì

________________________________________________

"Pasciun" n toch de teater che à scialdi plajù

Chesta reprejentazion é cis adateda a la Careisema. A livel de contegnù

________________________________________________

Al vegn reprejenté na familia tocheda da na ria crousc. Tl toch

________________________________________________

L pere é te ospedal. Zenza speranzes de varì

________________________________________________

Chest à mudé la vita dassen. Per la femena y i mutons

________________________________________________

Al sauta fora tenjions y stritoc. Te familia

________________________________________________

Amisc y conescenc prova a dé confort y coraje. Do

________________________________________________

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla seconda lezion

3.3) - Eserzize. Traslatede per ladin les frases che vegn do.

Le case di Ortisei sono ben tenute e hanno bei balconi fioriti.

_________________________________________________

Martedì c'è la sagra di San Giovanni.

_________________________________________________

I concerti di musica classica sono sempre interessanti.

_________________________________________________

Gli sposi sono in chiesa: la sposa è vestita di bianco e lo sposo è vestito in nero.

_________________________________________________

In luglio (io) sono a Canazei in ferie.

_________________________________________________

Le bambine di Anna sono sane e belle: si chiamano Clara e Maria.

_________________________________________________

Le chiavi della macchina sono sul tavolo.

_________________________________________________

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla seconda lezion

Fonetica: Cl-, Gl-, -dl-

LS	Fascian	Gherdeina	Badiot	Fodom	Ampez
Bradlé	Braièr	Bradlé	Bradlé	Braglé	Bregarà
Mudl	Muie	Mudl	Müdl	Mugle	Mucio
Piedl	Poie	Podl	Piedl	Piegli	Pedóe
Glotì	Giotir	Dlutì	Dlotì	Nglotì	Jotì
Glacin	Giacin	Dlacin	Dlacin	Glacin	Jaza (Jelato)
Glacé	Giacià	Dlacé	Dlacé	Glacé	Jazà
Clamé	Chiamèr	Tlamé	Tlamè	Clamé	Ciamà
Clap	Schiap	Tlap	Tlap	Clap	Ciapo
Clesura	Chiesura	Tlesura	Tlesura	Clesura	Cejura
Clef	Chief	Tlamé	Tlamè	Clé	Ciamà
Clarinet	Clarinet	Tlarinet	Tlarinet	Clarinet	Clarineto
Classich	Classich	Tlassich	Tlassich	Classich	Clasico

endò al indesc dla seconda lezion

3.4) - Eserzize. Preibel scrivede pro les paroles che vegn dant chilò dessot de ciun idiom che eles é y fajede l adatament al ladin standard.

conoia ____ ___________________

durmiëdl ____ ___________________

jeneie ____ ___________________

sorogle ____ ___________________

spiedl ____ ___________________

tlocia ____ ___________________

uedl ____ ___________________

uredla ____ ___________________

vegle ____ ___________________

despariglé ____ ___________________

3.5) - Eserzize. Emplenide i vuec con cie che mancia.

Maestri de schi tl Consei provinzial

Entourn a 60 aspiran... a maester de schi, da chilò y ... Talia ... nord, ... stés ... Consei provinzial a Bulsan. ... vijita fej pert de sia formazion teorica. ... Vizepresident ... Consei Carlo Willeit ti ... dé l benvegnù y ...... fin ... vegnù fora na discuscion dret interessant.... Anter ... truep... domand... y respostes ... vegnù a lum n valgun... problematiches particulares che reverda i maestri de schi.

La pruma sun ... concorenza anter ... scoles de schi; do avei audì esper... prejen... ... vegnù fora che la concorenza ... bona y ... scialdi debujegn davia che ... scoles deventa for plu y plu vedl..., ajache i maestri é dgnora plu vedli. ... secont pont reverda i acompagnadours da foradecà zenza titul o condizion de amiscion a... profescion; de chisc en ... n grum, dantaldut tla sajon bassa; la cossa fossa da regolé n puech miec. La terza cossa, che fej marevueia y che se meritassa n ejam plu sot, ... la relazion di maestri de schi con hoteliers y patrons de implan... che dovessa dagnora ester bona. Per ... Vizepresidënt Willeit ... ... enconteda steda de utl y plajoula coche informazion y coche enconteda con joegn che ti va do ... na profescion particolara. Anter chisc nen fòvel ence n clap de ladins ... valedes entourn l Sela via.

3.6) - PIZ da LA BONA LUNA

Anagramede les paroles che vegn do lascian demez na letra pro vigni parola. I abinareis na parola nueva per vignuna y emplù formarà les letres che vanza does paroles nueves.

Clocia

Daurì

Aunic

Nerf

Nevei

Saulon

Prozes

Legnam

Laudé

Maiour

Ester

Selva

Istruzions per fé i eserzizes:
scrive l test, les traduzions o les respostes a les domandes al professour tres e-mail: redazion@noeles.net
Per mané ite plu saurì al professour i eserzizes ves aconsionse de selezioné empruma l test dl eserzize y de l copié ite tla e-mail (ctrl-c "copié" y ctrl- v "enjonté") y de completé ilò l eserzize. Recordedeves de dé dant l numer dl eserzize tl cheder "oget"!

endò al indesc dla seconda lezion

Duc i derc resservés - Union Generala di Ladins dles Dolomites y Noeles.net - (c) 2003